بەبۆنەی یادی عاشوراوە، سەرۆکی هەرێمی کوردستان، پەیامێکی بڵاوکردەوە و تێیدا جەختی لە گرنگیی یەکڕیزی و گیانی برایەتیی نێوان عێراقییەکان کردەوە، هاوکات داوای کرد کە ئەم یادە بکرێتە دەرفەتێک بۆ چارەسەرکردنی ناکۆکییەکان و پتەوکردنی سەقامگیری لە وڵاتدا.
ئەمڕۆ شەممە پێنجی تەممووز، لە پەیامێک دا، نێچیرڤان بارزانی، سەرۆکی هەرێمی کوردستان ئاماژەی بەوە کردووە: “لە یادی عاشوورادا، بەهاکانی حەق، ئارامگری و قوربانیدان بەبیر دەهێنینەوە کە ئیمام حوسێن (سەلامی خوای لێبێت) بەرجەستەی کردوون، هەروەها ئەو پەیامە مرۆییە باڵا و وانە و پەندە نەمرانەی کە ئەم بۆنەیە هەڵیگرتووە و بانگەواز بۆ دادپەروەری، لێبووردەیی و ئاشتی دەکات.”
سەرۆکی هەرێمی کوردستان لە بەشێکی دیکەی پەیامەکەیدا نووسیویەتی: دووپاتی گیانی یەکڕیزی و برایەتی لەنێوان عێراقییەکاندا دەکەینەوە، لەگەڵ پێویستیی چارەسەرکردنی ناکۆکییەکان لەپێناو خزمەتکردنی بەرژەوەندیی باڵای وڵات و پتەوکردنی سەقامگیری