وەزارەتی پەروەردەی حكومەتی ھەرێمی كوردستان بۆ وەرگرتنی قوتابی و خوێندکاران لە پەیمانگاکانی پیشەیی خۆێندنی ئینگلیزی ( ٥ ) ساڵی لە پارێزگاکانی (هەولێر، سلێمانی، گەرمیان) قوتابیان و خوێندکارانى سنوورى پارێزگاکانیان دەرچووی پۆلی نۆیەمی بنەڕەتی دەتوانن بەشێوەی ئۆنلاین لە ڕێگەی ئەم لینکەی لاى خوارەوە بەپێ ی پاریزگاکانیان داواکاری پێشكەش بكەن بەپێى ئەو مەرج و پێوەرانەی کە دانراون:
١- وەرگرتن لەسەر بنەمای بەرزترین كۆنمرەی بابەتی زمانی ئینگلیزی پۆلی ٩ ی بنەڕەتی دەبێت.
٢- هەشتا (٨٠) قوتابی و خوێندکار وەردەگیرێت, بۆ هەر بەشێک تەنها ٢٠ قوتابى و خوێندکار وەردەگیرێـت.
٣- خوێندنی پەیمانگە لەم پسپۆڕى و بەشانە پێکدێـت:
• بازرگانى/ بەشى ژمێریارى
• گەشتوگوزار/ بەشى کارگێڕى هۆتێل و میواندارى
• دیزاین /بەشى گرافیک دیزاین و بەشى ئینتێریەر دیزاین.
• کۆمپیوتەر / ئاى تى
٤- قوتابی خوێندکارى پێشكەشكار لەھەر بەشێك وەربگیرێت مافی گۆڕینی بەشەكەی نابێت .
٥- ساڵی یەكەمی خوێندن لە پەیمانگە تەنھا ساڵی فێركردنی زمانی ئینگلیزی دەبێت.
٦- پرۆگرامەكانی پسپۆڕى و بەشەکانی لەسەرەوە ئاماژەپێکراو لە ساڵی دووەمی خوێندن دەستپێدەكات.
٧- پێشکەشکردن بۆ ماوەى یەک مانگە لەڕێکەوتى ٣ی ٨ ی ٢٠٢٥ دەستپێدەکات وە لەڕێکەوتى ۳۰ی ٨ی ٢٠٢٥ کۆتایى دێت.
٨- قوتابی و خوێندکارى پێشكەشكار لەو ماوەیەی ئاماژەی پێکراوە مافی پێشكەشكردنی ھەیە بە كۆد و پاسۆردی خۆی کە پێشتر لە قوتابخانەکەی وەریگرت، کە هەمان کۆد و پاسۆردە لە ڕێگەیەوە ئەنجامی تاقیکردنەوەکانی وەرگرتۆتەوە. واتا دەتوانێت داخلی سیستمی E-Parwarda بێـت بەهۆى ئەم لینکەى خوارەوە وە بە ئارەزووی خۆی یەكێك لە بەشەكان ھەڵدەبژێرێت و دواتر تەنھا كلیك لەسەر ئایکۆنی ناردن دەكات.
https://www.e-parwarda com
– وەزارەتی پەروەردە
هەواڵی پێشوو