زیاتر لە 60% مامۆستایان و فەرمانبەران زانكۆی سەلاحەدین، لە پرۆژەی هەژمار من بەشدارن، كارتەكانییان وەرگرتووەتەوە.
ئەمڕۆ یەكشەممە 31/3/2024، سامان عەبدوڵڵا بەرپرسی ڕاگەیاندنی زانکۆی سەلاحەدین–هەولێر، لە راگەیەنراوێكی لەبارەی پرۆژەی(هەژماری من) بڵاو كردووەتەوە و دەڵێ: “لە %٦٠ـی مامۆستایان و فەرمانبەرانی زانکۆی سەلاحەدین خاوەنی هەژماری منن.”
هەروەها بەرپرسی راگەیاندنی زانكۆی سەلاحەدین، روونی كردووەتەوە، مامۆستایان و فەرمانبەران بە تەواوی پابەندی هەژماری منن.
بەگوتەی سامان عەبدوڵڵا ئێستە هەموو ئەوانەی لە زانكۆكەیان بەشداریان لە پرۆسەكەدا كردووە، كارتەكانییان وەرگرتووە.
پرۆژەی هەژماری من، لە لایەن كابینەی نۆیەم، جێبەجێ دەكرێت و ئامانج لەو پرۆژەیە ئەوەیە كە هەرێمی كوردستان بچێتە نێو مامەڵەبانكییەكان و پارەی كاش نەمێنێت، هەروەها شێوازی پێدانی مووچەی فەرمانبەران گۆرانكاری تێدا بكرێت و بە شێوازی نوێ وەربگرن، بەجۆرێك كە مووچەخۆران لە 19 خزمەتگوزاریی بانكی سوودمەند ببن.
لەگەڵ ئەوەش دا، تا ئێستا زیاتر لە 200 هەزار مووچەخۆر خۆیان تۆمار كردووە و زیاتر لە 120 هەزار كەس كارتەكانییان وەرگرتووەتەوە،بڕیارە تاكۆتایی ئەمساڵ تەواوی مووچەخۆران تۆمار بكرێن.