ڕۆژی چوارشەممە 8ی تشرینی یەكەمی 2025 لە پیرمام سەرۆك مەسعود بارزانی پێشوازی لە بەڕێز نیکۆلۆ فۆنتانا باڵیۆزی ئیتالیا لە عێراق و شاندێكی یاوەری كرد.
لەو دیدارەدا بیروڕا لەبارەی پڕۆسەی ئاشتی لە توركیا و بارودۆخ و دواپێشهاتەكانی سووریا ئاڵوگۆڕ كرا و هەروەها ڕۆشنایی خرایە سەر هەڵبژاردنەكانی ئەنجوومەنی نوێنەرانی عێراق و هەردوولا هیوایان خواست ئەو هەڵبژاردنە و دەرئەنجامەكانی، گۆڕانكاریی ئیجابی لێ بكەوێتەوە و خزمەتی بنەماكانی دیموكراسی و نوێنەرایەتیی گەل بكات.
پڕۆسەی سیاسیی هەرێم و پێكهێنانی حكوومەتی تازەی هەرێمی كوردستان تەوەری تری ئەو دیدارە بوون.