ئێوارەی ئەمرۆ یەكشەممە 2026.1.25، بەئامادەبوونی ئومێد خۆشناو، پاریزگاری هەولێر و زانا مەلاخالید، بەرپرسی لقی2 ی پارتی و خانەوادە و منداڵەکانی شەهید و ژمارەیەكی تر لە بەرپرسانی ئیداری، ڕێکخراوی ئامێزی ئۆتیزم بۆ هۆشیاری و هاوکاری، بە بۆنەی 11 ساڵەی شەهیدکردنی ( شەهید هوجام سورچی ) لە سەنتەری کۆمەڵایەتی خانەنشینانی هەولێر، ڕێورەسمێكی رێزلێنانی بۆ خانەوادەی شەهید ڕێکخست.
لە ڕێورەسمەكەدا، پارێزگاری هەولێر وێڕای دەستخۆشی لە ڕێکخراوی ناوبراو بۆ ئەنجامدانی ڕێورەسمەکە، هەوڵ و چالاکیەکانی ڕێکخراوی ناوبراوی بۆ هۆشیاری و هاوکاری گەیاندن بە منداڵانی ئۆتیزم بەرزنرخاند و هیوای سەركەوتنی بۆ خواستن.
لەكۆتایشدا، لەلایەن پارێزگاری هەولێر و بەرپرسی لقی2 قەڵغانی ڕێزلێنان پێشکەش بە خانەوادەی شەهید هوجام سورچی کرا.