وردبینیکردن لە لیستی مووچەی مانگی چوار و ڕاپۆرتی خەرجی و داهاتەکانی حکومەت کە بە میزان موراجەعە ناسراوە، بێ کێشە تەواو بوو. وەزارەتی دارایی عێراق هیچ تێبینییەکیان لەسەر نەبووە، تیمی تەکنیکی وەزارەتی دارایی و ئابووری کوردستان گەڕانەوە هەولێر.
لە کۆی چوار پابەندی هەولێر بەرامبەر بەغدا بۆ خەرجکردنی پارەی مووچە، وەزارەتی دارایی کوردستان دوو پابەندی بێ کێشە تەواو کرد و کارکردن لەسەر دوو پابەندییەکەی دیکە بەردەوامە.
نووسراوی نەوت و ناردنی پشکی بەغدا لە داهاتی نانەوتی دەمێننەوە. هەنارەردەکردنی نەوت بێ کێشە بەردەوامە و کۆتایی ئەم مانگە وەزارەتی نەوتی عێراق نووسراو بۆ تەیف سامی وەزیری دارایی عێراق دەکات.
لەبارەی داهاتی نانەوتیش لێکتێگەیشتن لەنێوان هەولێر و بەغدا هەیە ئەم مانگە 120 ملیار دینارەکە نەنێردرێت و کەم بکرێتەوە.