مەسرور بارزانی، سەرۆکی حکومەتی هەرێمی کوردستان، بەبۆنەی بەدەستهێنانی متمانەی ئەنجومەنی نوێنەران، پەیامێکی پیرۆزبایی ئاراستەی عەلی فالح زەیدی، سەرۆکوەزیرانی نوێی عێراق و کابینەکەی کرد.
دوای ئەوەی کابینە نوێیەکەی عەلی فالح زەیدی توانی متمانەی پەرلەمانی عێراق بەدەستبهێنێت، مەسرور بارزانی هیوای سەرکەوتنی بۆ خواستن و جەختی لە گرنگیی قۆناغی داهاتوو کردەوە.
مەسرور بارزانی لە پەیامەکەیدا ڕایگەیاند: “هیوادارم دەستپێکی قۆناغێکی نوێ بێت لە سەقامگیری و ئاشتی لە عێراق و چارەسەربوونی گشت کێشەکان و جێبەجێکردنی دەستوور.”
ئسەرۆکی حکومەتی هەرێمی کوردستان ئاماژەی بەوەش کردووە، کە یەکێک لە کارە لەپێشینەکان دەبێت باشترکردنی پەیوەندییەکانی نێوان هەرێمی کوردستان و حکومەتی فیدراڵ بێت، لەسەر بنەمای دەستوور و بەرژەوەندیی گشتی.
باکگراوند: پرسی شایستە داراییەکان، نەوت و گاز، و ناوچە کوردستانییەکانی دەرەوەی ئیدارەی هەرێم، لە گرنگترین ئەو دۆسیانەن کە چاوەڕوان دەکرێت لە کابینەی نوێی حکومەتی عێراقدا گفتوگۆیان لەسەر بکرێت بۆ گەیشتن بە چارەسەری کۆتایی.