سبەی چوارشەممە لە گەڕی 13ی خولی نایابی کوردستان بە سێ یاری ئاگرین ڕکابەریەکانی بەردەوام دەبن و تیپەکانی پێشەوەی ڕیزبەندیەکەش یاریان هەیە و هەموو یاریەکان کاتژمێر 2:00ی پاش نیوەڕۆ بەڕێوەدەچێت.
سبەی هەولێر لەنێو یاریگای خۆی میوانداری یانەی ڕزگاری دەکات و هەردوولا چاویان لە بردنەوەیە،هەولێر لەم وەرزەی خولەکە تا ئێستا خاوەنی 14 خاڵە و پلەی هەشتەمی گرتووە و یانەی ڕزگاریش لە پلەی سێیەمی خولەکە دێت و خاوەنی 18 خاڵە.
لە یاریەکی تردا یانەی پێشمەرگەی هەولێر میوانداری یانەی هەندرێن دەکات لەنێو جەماوەری خۆی،هەندرێن ئەم وەرزە حاڵی خراپە و 10 خاڵی هەیە و پلەی 13ی گرتووە و لەناوچەی دابەزینە،هەرچی یانەی پێشمەرگەی هەولێرە خاوەنی 20 خاڵە و پلەی دووەمی گرتووە
لەلایەکی تریشەوە یانەی پیشەسازی ئەسپە ڕەشەکەی ئەم وەرزەی خولەکە دەبێتە میوانی یانەی برایەتی لەشاری هەولێر و هەردوولا پێویستیان بە بردنەوەیە،برایەتی خاوەنی13خاڵە و پلەی دەیەمی گرتووە،یانەی پیشەسازیش 17 خاڵی هەیە و لەپلەی پێنجەمی خولەکە دێت.