ڕاپۆرتە ڕۆژنامەوانییە بەرازیلییەکان ئاشکرایانکردووە، ڕۆژی یەکشەممە، یانەی سانتۆس نزیکە لەوەی بە فەرمی گەڕانەوەی ئەستێرەی پێشووی نەیمار دا سیلڤا، هێرشبەری یانەی هیلال سعودی ڕابگەیەنێت.
لە چەند ڕۆژی ڕابردوودا شاهیدی دانوستانی چڕوپڕی نێوان یانە بەڕازیلییەکە و ئەلهیلاڵی سعودی بوو، بۆ گواستنەوەی نەیمار، کە لە حیساباتی خۆرخی جیسوسی پورتوگالی لە خولی پیشەگەری سعودیە دوورخرایەوە.
ماڵپەڕی “دیاریۆ دو پێکس”ی بەڕازیلی ڕایگەیاندووە، دوای دانوستانە چڕوپڕەکان، بڕیارە ڕۆژی چوارشەممەی داهاتوو نەیمار بگاتە بەرازیل، دوای تەواوبوونی وردەکارییەکانی کۆتایی گرێبەستەکە.
ئاماژەی بەوەشکرد، بڕیارە یەکەم گەڕانەوەی نەیمار بۆ یاریگاکان لە ٥ی شوبات کە ٣٣ ساڵەی لەدایک بوونیەتی، لە یارییەکدا بەرامبەر بۆتافۆگۆ لە هەمان پاڵەوانێتیدا.