هانس فلیکی ڕاهێنەری یانەی بەرشەلۆنە سوپرایزێکی لە لیستی تیپەکەی ئاشکرا کرد کە ئەمڕۆ دووشەممە لە کۆتایی گەڕی ٢٤ی خولی ئیسپانیا بەرامبەر ڕایۆ ڤالیکانۆ یاری دەکەن.
فلیک بڕیاریدا جارێکی دیکە هێرشبەری تیپەکەی ئەنسو فاتی بگەڕێنێتەوە ناو لیستەکە، دوای ئەوەی لە ماوەی ئەم دواییەدا لە پێکهاتەی یانە کەتەلۆنیەکە دوورخستبۆوە.
فلیک ٢٣ یاریزانی بۆ یارییەکە هەڵبژارد، ئەوانیش بریتین لە:
کۆپارسی، بالدێ، ئاراوخۆ، ئینیگۆ مارتینێز، گاڤی، فێران تۆرێس، پێدری، لیڤاندۆڤسکی، فاتی، ڕافینا، پینیلا، پابلۆ تۆرێ، کاسادۆ، پاو ڤیکتۆر، یاماڵ، ئۆلمۆ، فرێنکی دی یۆنگ، کووندێ، ئێریک گارسیا، شچێسنی، کۆچین، فۆرت و جیرارد مارتن.
بەرشەلۆنە بە کۆکردنەوەی ٤٨ خاڵ پلەی سێیەمی ڕیزبەندی گرتووە و ئەتلەتیکۆ مەدرید بە کۆکردنەوەی ٥٠ خاڵ لە پلەی دووەمدایە، دواتر ڕیاڵ مەدرید بە کۆکردنەوەی ٥١ خاڵ لە پێشەنگی ڕیزبەندییەکەیدایە.