ڤیتینای ئەستێرەی یانەی پاریس سانجێرمان دووپاتیکردەوە کە پشتگیری هاندەران دەبێتە هۆکارێکی زیادە بۆیان بەرامبەر ئارسناڵ.
ڤیتینها لە کۆنگرە ڕۆژنامەوانییەکەدا پێش یاریی پێش کۆتایی چامپیۆنزلیگ دەرکەوت، تیایدا وتی: ئێمە تیپێکی گەنجین، بەڵام ئەزموونێکی زۆرمان هەیە، هەموو هەوڵێک دەدەین بۆ ئەوەی لە ساڵی ڕابردوو باشتر بین.
ئاماژەی بەوەشکرد، ئەم یارییە – بەرامبەر ئارسناڵ – بەدڵنیاییەوە جیاواز دەبێت، هەموو هەوڵێک دەدەین بۆ بەدەستهێنانی ئەنجامێکی جیاواز، هەروەها پابەند دەبین بە فەلسەفەکەمانەوە، هەروەها شێوازەکەمان ناگۆڕین.