ئەمڕۆ دەبێتە ڕۆژی ماڵئاوایی لۆکا مۆدریچی کڕواتی ئەستێرەی یانەی ڕیال مەدرید لە هاندەرانی یانەکە لەنێو یاریگای سانتیاگۆ بێرنابیۆ،کە ئەو ڕۆژەیە هیچ هاندەرێکی مێرێنگی نەیویستووە بکەوێتە بەر چاوانی و بە کارەسات و خەم هێنەر ناوی دەبەن.
لە گەڕی 38 و کۆتایی خولی ئیسپانی وەرزی 2024-و 2025 ئەمڕۆ ڕیاڵ مەدرید لە نێو یاریگای خۆی میوانداری یانەی ڕیاڵ سۆسیداد دەکات و یاریەکەش کاتژمێر 5:15ی ئێوارە بەڕێوەدەچێت،کە ئەم یاریە دەبێتە دواین یاری لۆکا مۆدریچ ئەستێرەی هێڵی ناوەڕاستی یانەکە و لەدوای ئەو یاریە هیچ کاتێکی تر مۆدریچ نابینرێتەوە وەکو یاریزانی ڕیاڵ مەدرید لەنێو یاریگای سانتیاگۆ بێرنابیۆ.
مۆدریچ لە ساڵی 2012 لە تۆتنهامەوە گواسترایەوە ڕیاڵ مەدرید و سەرەتاکان ڕەخنەیەکی زۆری لەسەر بوو،کە بە خراپترین بۆندی ئەو ساڵەش ناوزەند دەکرا،بەڵام لەگەڵ تێپەڕ بوونی کات مۆدریچ مەحاڵی بۆ هاندەرانی یانەکە کردە ڕاستی چەندان نازاناوی بە کۆمەڵ و تاکی لەگەڵ ڕیاڵ مەدرید بەدەست هێنا،کە باشترینیان بردنەوەی 6 چامپیۆنزلیگ و بردنەوەی خەڵاتی باڵۆندۆری ساڵی 2018 بوو.
“سەرکار ڕێبوار”