موحەمەد سەڵاحی میسری یاریزانی یانەی لیڤەرپولی ئینگلیزی توانی خەڵاتی باشترین یاریزانی وەرزی 2024-2025 بباتەوە و گرەوی ئەم خەڵاتە لە ڕکابەرەکانی دیکەی بباتەوە،کە سەڵاح ئەم وەرزە ئاستێکی نموونەیی لەگەڵ ڕێدز پێشکەش کردوە و پێش چەند هەفتەیەکیش لەکۆتایی هاتنی خولەکە نازناوی ئەم وەرزەیان یەکلایی کردەوە.
ئەم وەرزە سەڵاح لەگەڵ لیڤەرپول لە پریمەرلیگ خاوەنی 28 گۆڵە و 18 ئەسیستی هەیە،کە ئەمە ڕیکۆردی مێژووییە و سەڵاح توانی بگاتەوە ئاستی ئەفسانەکانی پریمەرلیگ و ئالان شیرەر تێپەڕێنێت،کە سەڵاح یاریەکی ماوە بۆ شکاندنی ڕیکۆردی زیاتر لەگەڵ لیڤەرپول لەخولەکەدا.
سەڵاح بووە تاکە یاریزانی ئەفریقی و عەرەبی بەشداری کردبێ لە 46 گۆڵ لە خولەکە،کە ئاستەکەی سەڵاح لەم وەرزەدا دەیکاتە ناوێک لەنێو ناوەکانی بردنەوەی خەڵاتی باڵۆندۆر و زەبێستی ئەم ساڵ و لە ڕکابەریدا دەبێت لەگەڵ یاریزانانی تر بۆبەدەستهێنانی خەڵاتە تاکە کەسیەکانی جیهان.