یوسف لاخدیم یاریزانی لاوی مەغریبی دوای جێهێشتنی یانەی ڕیال مەدرید بە فەرمی وەک یاریزانێک بۆ یانەی ئەلاڤێس پێشکەش کرا.
یاریزانەکە دەڵێت، بەڕاستی بڕیارێکی جوان و گرنگ بوو، هیوادارم لە ئاست چاوەڕوانییەکانی یانەکە و هاندەرانیدا بم.
سەرەڕای گواستنەوەی، یانەی ڕیال مەدرید 50% پشکی لە یاریزانەکەدا هێشتووەتەوە، هەروەها بژاردەی کڕینی چەند ساڵەی هەیە، دەرگاکە بە کراوەیی دەهێڵێتەوە بۆ گەڕانەوەی داهاتوو بۆ یانەکە.
لەم چوارچێوەیەشدا لاخدیم لە کۆمێنتێکدا دەڵێت “ئەستەمە لە یانەیێکی وەک ڕیال مەدرید سەرکەوتن بەدەستبهێنیت بەهۆی ڕکابەرییە چڕەکانەوە، من بە تەواوی لەگەڵ ئەوەدام، ڕۆیشتنم هەنگاوێکی دروستە؛ من وەک یاریزانێکی تۆپی پێ گەشە دەکەم. هیوادارم دەرفەتی ئەوەم هەبێت بگەڕێمەوە بۆ ئەو یانەیە، یان بۆ یانەیەکی دیکە لە هەمان ئاستدا”.