بەگوێرەی ڕۆژنامەی سپۆرتی کەتەلۆنی، بەرشەلۆنە ڕۆژێک دوای ئەنجامدانی یەکەم یاری لە یاریگای خۆی لە یاریگای یۆهان کرۆیف مژدەیەکی خۆشی پێگەیشت: دواجار یانەکە بڕوانامەی تەواوکردنی (CFO)ی وەرگرت بۆ قۆناغی یەکەمی گەشەپێدانی سپۆتیفای کامپ نۆ.
توانای یاریگاکە لەم قۆناغەدا ٢٧ هەزار کەس دەبێت، بینەران دوو قاتی یەکەمی ستاندە سەرەکییەکان و باشوور داگیر دەکەن.
ئێستا CFO دەخرێتە بەردەم ئەنجوومەنی شارەوانی بەرشەلۆنە، کە مۆڵەتی سەرەتایی یانەکە دەدات.
یانەکە ئەگەری وەرگرتنی مۆڵەتی پێش یارییەکەی یەکشەممەی داهاتوو بەرامبەر خیتافی ڕەت نەکردووەتەوە، سەرەڕای ئەو سەختییەی کە هەیە، پێشبینیش دەکات یاریگاکە ئامادەبێت پێش یارییەکەی ٢٨ی ئەیلول بەرامبەر ڕیاڵ سۆسیداد.