لە یاری لوتکە و ئاگرینی گەڕی 30ی خولی نایابی ئینگلتەرا، یانەی مانچستەر سیتی لە یاریگای ئیتیحاد ڕووبەڕووی ئارسناڵ بوویەوە.
لە ئەنجامدا یارییەکە بە یەکسانی و بەبێ هیچ گۆڵێک بۆ هەردوولا کۆتاییهات.
هەر لە تایمی یەکەمدا یاریێکی بەهێز بینرا و تۆپەکە زیاتر لە کونترۆڵی سیتی بوو، هەردوو یانە هەوڵەکانیان خستە گەڕ بۆ هەژاندی تۆڕی گۆڵی بەرامبەر، بەڵام هیچکامیان سەرکەوتوونەبوون لە تۆمارکردنی گۆڵ و ئەو تایمە بە یەکسانی و بەبێ گۆڵ کۆتاییهات.
لە تایمی دووەم، بە هەمان شێوەی یەکەم تایم یانەکان بەردەوامبوون لە فشارەکانیان و هەردوو لا چەندین گۆڕانکاریان ئەنجامدا، بەڵام یارییەکە هەر وەک خۆی بەبێ گۆڵ مایەوە.
بەم ئەنجامە هەر یانە و تاکە خاڵێکی وەرگرت و ئارسناڵ پێشەنگی لەدەستدا و هاتەوە پلەی دووەم بە کۆکردنەوەی 65 خاڵ، سیتیش لە پلەی سێیەمە و 64 خاڵی هەیە.