لە بەیاننامەیەکی فەرمیدا یانەی ڕیاڵ مەدرید لە وێبسایتی خۆی پێکانی دانی کارڤاخاڵی ئیسپانی بەرگریکاری یانەکەی ڕاگەیاند ئەمەش دوای ئەوەی لە یاریەکەی دوێنـێـی بەرامبەر ئەتلەتیکۆ مەدرید هەستی بە ئازار کردوە.
بەپێی سەرچاوەکان کارڤاخاڵ پێکانی هەیە لە ماسوولکەکانی ڕانی ڕاستی و ماوەی دوورکەوتنەوەکەی نزیک مانگێکە،کە ئەمەش نەهامەتیەکی تازەیە بەرۆکی کارڤاخاڵ دەگرێ دوای ئەو پێکانە قورس و دوور درێژەی وەرزی ڕابردوو تێـپەڕاند.
ڕیاڵ مەدرید ئێستا کەوتۆتە نێو گێژاوی پێکانی ئەستێرەکانی و ئەلێکساندەر ئاڕنۆڵد و فێرلاند مێندی و ئەنتۆنی ڕۆدیگیێری پێکراون،کە هێشتا چارەنووسی پێکانەکەی مێلیتاویش دیار نییە لەوانەیە ئەویش ماوەیەکی درێژ لە یاریگاکان دوور بکەوێتەوە.
“سەرکار ڕێبوار”