دوای ماوەیەک دابڕان ئەمڕۆ ڕۆژنامەی سپۆرتی کەتەلۆنی گەڕانەوەی ڕۆلاند ئاراوخۆی ئەستێرەی هێڵی بەرگری یانەی بارسێلۆنای ڕاگەیاند،کە یاریزانەکە بەهۆی هەندێک کێشەی تایبەتەوە لەیاریگاکان دوور کەوتەوە و ڕۆژنامەی سپۆرت باسی کێشەی یاریزانەکەی کرد.
بەگوێرەی زانیاریەکانی سپۆرت بێت ئاراوخۆ لە یاری چێڵسی،کە بەکارتی سوور کرایە دەرەوە لەیاریەکە و هاندەرانیش دوای یاریەکە سوکایەتیەکی زۆریان بەیاریزانەکە کرد و بەهۆکاری سەرەکی شکستەکەیان دانا ئاراوخۆ داوای وەرگرتنی مۆڵەتی پشووی کرد بوو تاکو بتوانێت لەڕووی دەرونییەوە بێتەوە بارێکی باشتر.
ئاراوخۆ ئێستا بە کارگێڕی یانەکەی وتووە ئامادەیە بۆ یاری کردن و دەستەی پزیشکی بارسێلۆناش پشکنینی پزیشکی بۆ ئاراوخۆ دەکەن تاکو تەواو دڵنیایی وەرگرن لە باشتر بوونی باری تەندروستی یاریزانەکە.
“سەرکار ڕێبوار”