لە گەڕی هەشتەمی خولی ئەستێرەکانی عێراق یانەی هەولێر لە دیالا بووە میوانی یانەی دیالا و دوای یاریەکی تاقەت پروکێن و پڕ ماندوێتی هەردوو تیپ بەتاکە خاڵێک یاریگایان جێهێشت.
لە سەرەتای یاریەکە دیالای خاوەن ماڵ دەستی خۆی لەگۆڵ پێشخست و لەڕێگای (ئەیاد عەبد)توانی گۆڵی یەکەم لە خولەکی هەشت تۆمار بکات و ئەو گێمەش بەو تاکە گۆڵە کۆتایی هات.
لەگێمی دووەمدا هەولێر جیاواز دەرکەوت و شێرزۆد تەمرۆڤ بە لێدانی سزا گۆڵی بەرامبەری لە خولەکی 68 تۆمار کرد
یاریەکە بەرەو کۆتایی دەچوو بەڵام بەر لە کۆتاییەکەی ناوبژیوان کارتی سووری بەڕووی (عەلا ڕەعد)ی یاریزانی هەولێر بەرز کردەوە و یاریەکەش بە تاکە گۆڵێک بۆهەردوو تیپ کۆتایی هات.
بەو ئەنجامەش یانەی هەولێر یەکسانیەکی دیکەی لەم وەرزە نووسیەوە و بە 20 خاڵ لەپلەی یەکەمی ڕیزبەندی خولەکە مایەوە
یانەی دیالاش بە 16 خاڵ لە پلەی سێیەم مایەوە.
“سەرکار ڕێبوار”