لە نوێترین هەواڵ دەربارەی یانەی تۆتنهام هۆتسپێری ئینگلیزی ئەوە ئاشکرا بووە خاوەندارییەتی یانەکە ئامادەیی ئەوەیان تیایە یانەکە بفرۆشن و هیچ پلان و بەرنامەیەکیان نییە تاکو ماوەکی درێژتر سەرکردایەتی ئەو یانەیە بکەن.
خاوەندارییەتی ئێستای یانەی تۆتنهام ENIC گرووپە و لە ئێستادا ویستی ئەوەیان هەیە یانەکە بفرۆشن ئەمەش دوای لێکدانەوە هاوکێشەیەکی قوڵ لە بەڕێوەبردن و قازانج و زیانی یانەکە و پێیانوایە ناتوانن زیاتر ڕێکارەکانی ئەو یانە گەورەیەی شاری لەندەنی بەریتانیا بگرنە دەست.
شایەنی باسە بۆ کڕینی تۆتنهام چەندان سەرمایەدار و گەورە کۆمپانیا و بازرگان لەسەر هێڵن و دەیانەوێت ببنە خاوەنی ئەو یانەیە بەڵام تاکو ئێستا هیچ لایەنێک بەتەواوی نەیتوانیوە بەتەواوی بچێتە ژێر باری کڕینەوەی یانەکە لە خاوەندارییەتی ئێستای.
“سەرکار ڕێبوار”