لەسەروبەندی ساڵی نوێدا ڕیاڵ مەدرید گورزێکی ئەشکەنجە بەخشی پێکەوت و بەپێی هەواڵی ئەمڕۆی ڕۆژنامەکانی ئیسپانیا و فەڕەنسا بێت کیلیان مباپێ ئەستێرەی یەکەمی مێرێنگی تووشی پێکان بووە.
ڕۆژنامەی ئاس بڵاوی کردەوە کیلیان مباپێ بەهۆی پێکانەوە نزیکەی مانگێک لەیاریگاکان دادبڕێت و پێکانەکەشی لە ئەژنۆیەتی،کە ماوەیەکە هەستی بە ئازارێکی زۆر کردوە بەڵام نەیدرکاندوە تائەوەی هاتۆتە ئەو حاڵەی ئێستای و پێویستی بە چاودێری پزیشکی و پشوودان هەیە بۆ چاک بوونەوە لەگەڵ ئەوەشدا بەئەگەری زۆرەوە بۆ یاریەکانی جامی سوپەری ئیسپانیا بێ بەش دەبێت.
کیلیان مباپێ ئەم وەرزە لەگەڵ ڕیاڵ مەدرید وەکو ئەستێرەی یەکەمی تیپەکە درەوشاوەتەوە و گۆڵکاری یانەی ڕیاڵ مەدریدە،کە هەر لە ئێستاوە ناوی وەکو یەکێک لە پاڵوێراوی سەرەکی باشترین یاریزانی ساڵی داهاتوو دەهێنرێت.
“سەرکار ڕێبوار”