چاڤی هێرناندێزی ئەستێرەی ئیسپانی،یاریزان و ڕاهێنەری پێشووی یانەی بارسێلۆنا لە چاوپێکەوتنێکی نوێدا لەگەڵ میدیایەکی ئیسپانی بە ڕاشکاوانە خوان لاپۆرتای سەرۆکی پێشووی بارسێلۆنا و کاندیدی ئێستای سەرۆکایەتی بارسێلۆنای بەوە تاوانبار کرد ڕێگری کردوە لەگەڕانەوەی لیۆنێل مێسی بۆ یانەی بارسێلۆنا.
چاڤی دەڵێت؛سەرەتاکانی 2023 قسەم لەگەڵ مێسی کرد دەربارەی گەڕانەوەی بۆ بارسێلۆنا و ڕازیم کرد،کە تەنانەت باوکی مێسیش زۆری پێخۆش بوو،بەڵام دواتر لەناکاوێک مێسی دەنگی نەما،دواتر لاپۆرتا بەڕووی خۆم وتی من نەمهێشتووە بێتەوە لەبەر بەرزی مووچەکەی و خواستە زۆرەکانی،کە ئەمە کێشەی گەورە دەبوون بۆ بارسێلۆنا.
لەسەر ئەم قسانەی چاڤی هەرایەکی گەورە لە هەڵبژاردنی سەرۆکایەتی بارسێلۆنا دروست بووە و هەندێک دەڵێن چاڤی ئەم قسەیەی کردوە تاکو لاپۆرتا بشکێنێتەوە لەبەردەم هەمووان و هەندێکیش دەڵێن چاڤی تەنها ڕاستیەکانی وتووە و پێویستە لاپۆرتا نەبێتەوە سەرۆکی یانەی بارسێلۆنا.
“سەرکار ڕێبوار”