پاش ئەوەی گرێبەستی لۆکا مۆدریچ لەگەڵ ئەیسی میلان لە هاوینی ئەم ساڵدا کۆتایی پێدێت هەربۆیە یانەکە دەستیان کردووە بە هەوڵدان بە مەبەستی درێژکردنەوەی.
تۆڕی سکای سپۆرت ئاماژەی بەوەکردووە کە ناوەراستکارەکە دوو مەرجی سەرەکی بۆ کارگێری یانەکەی داناوە و لە ئەگەری جێبەجێکردنی ئامادەیە بمێنیتەوە.
سەرچاوەکە جەختی لەوەکردووەتەوە کە مەرجەکانی مۆدریچ برتییە لە مانەوەی ماسیمیلیانۆ ئەلیگری راهێنەر و لەهەمان کاتدا بەهێزکردنی ریزەکانی میلان بە هێنانی چەند یاریزانێک بەجۆرێک بتوانن لەسەرجەم پاڵەوانێتیەکان رکابەری بکەن.
لەلایەکیترەوە تاوەکوو ئێستا بەرپرسانی یانەکە بەتەواوی وەڵامی داواکارییەکانی لۆکایان نەداوەتەوە و بەڵام ئەگەر بابەتی دارایی رێگر نەبێت ئەوا لە پلانیان داناوە چەند گرێبەستێک ئەنجام بدەن.
ئەستێرە کرواتییەکە لەم وەرزە لەگەڵ ئیتاڵییەکە بەشداری 34 یاریی کردووە و لەوماوەیەدا توانیوێتی دوو گۆڵ و سێ ئەسیستی هەیە.