کۆمپانیای تیک تۆک و بایتباس (ByteDance) بە فەرمی ڕەزامەندییان دا لەسەر دانی ٤٠0 ملیۆن دۆلار بە وەزارەتی داد لە ئەمریکا تا کەیسێکی دادگایی کۆتایی پێبهێنن کە تێیدا تۆمەتبار کرابوون بە کۆکردنەوەی ناڕەوا و بێ مۆڵەتی زانیارییە تایبەتەکانی منداڵانی تەمەن ژێر ١٣ ساڵ.
لەم بڕە پارەیە، تیک تۆک ۳۰0 ملیۆن دۆلاری ڕاستەوخۆ دەدات و ۱۰0 ملیۆنەکەی تر دوای هەڵوەشاندنەوەی ڕێککەوتننامەیەکی کۆنی دادگا (پەیوەندیدار بە Musical.ly) خەرج دەکرێت.
کەیسەکە سەرەتا لە ساڵی ٢٠٢٤ تۆمارکرابوو دوای ئەوەی دەرکەوت پلاتفۆرمەکە رێگەی بە منداڵان داوە هەژماری ئاسایی بکەنەوە و هەروەها داواکاری دایک و باوکانیشی پشتگوێ خستووە بۆ سڕینەوەی هەژمار و زانیارییەکانی منداڵەکانیان.
ئەم ڕێککەوتنە بە یەکێک لە گەورەترین سزاکانی مێژووی ئەمریکا دادەنرێت لە ژێر یاسای پاراستنی تایبەتمەندیی منداڵان لە ئینتەرنێت (COPPA).