Google ڕاگەیاندووە کە گۆڕانکارییەکی نوێ لە سیستەمی گەڕانەکەی خۆیدا جێبەجێ دەکات کە تێیدا سوود لە ژیری دەستکرد وەردەگیرێت بۆ باشترکردنی ئەنجامەکان و نزیککردنەوەیان لە پێداویستییەکانی بەکارهێنەران
بەپێی ئەم نوێکارییە گووگڵ دەست دەکات بە پیشاندانی ناوەڕۆکی وەرگیراو لە فۆڕمە جیاوازەکان وەک Reddit بۆ ئەوەی وەڵامەکان تەنها لە سەر بنەمای وێبسایتە فەرمییەکان نەبن بەڵکو پشتبەستن بە ئەزموونی ڕاستەقینەی خەڵکیش هەبێت.
ئەم سیستەمە نوێیە ڕاو و ئەزموونی بەکارهێنەران وەک جۆرێک لە ڕاوی پسپۆڕ پیشان دەدات و لەگەڵ وەڵامەکانی AI لینک و سەرچاوە ڕاستەقینەکانیش بە شێوەیەکی ڕوونتر پیشان دەدرێن هەروەها بەکارهێنەران دەتوانن بە ئاسانی بچنە ناو گفتوگۆ و بابەتە سەرچاوەکان
ئامانجی سەرەکی ئەم گۆڕانکارییە ئەوەیە کە گەڕان بگۆڕێت بۆ سیستەمێکی زیاتر مرۆڤانە و باوەڕپێکراو کە نزیکتر بێت بە ئەزموونی ڕاستەقینەی خەڵک بە تایبەتی لە کاتێکدا کە زۆر بەکارهێنەران لە گەڕانەکانیان ناوی Reddit زیاد دەکەن بۆ دۆزینەوەی ڕاو و ئەزموونی ڕاستەقینە
بەم شێوەیە گووگڵ هەوڵ دەدات سیستەمی گەڕانەکەی نوێ بکاتەوە بە شێوەیەک کە زیاتر هاوشێوەی پێداویستییەکانی بەکارهێنەران بێت و زانیارییەکانیش باوەڕپێکراوتر و نزیکتر بن بە ژیانی ڕاستەقینەی خەڵک