لە رێوڕەسمێكدا، نێچیرڤان بارزانی، سەرۆكی هەرێمی كوردستان، ناوەندی كوردستان بۆ هونەر و كولتوور لە شاری هەولێر كرایەوە.
هەر لە رێوڕەسمەکەدا قوباد تاڵەبانی، جێگری سەرۆكی حكومەتی هەرێم و حەمەی حەمەسەعید، وەزیری رۆشنبیری و لاوان ئامادەبوون.
لە دەستپێکی رێوڕەسمەكەدا، سەرۆكی هەرێمی كوردستان وتارێكی پێشكەشكرد، تێیدا جەختی لەسەر پارێزگاریكردن لە كولتوور و هونەری كوردی كردەوە.
ناوەندی كوردستان بۆ هونەر و كولتوور، پڕۆژەی کۆمەڵێک گەنجە بەمەستی بەدیجیتاڵکردنی بەرهەم و بەڵگە نیشتیمانییەکانی کورد، هەروەها پاراستن و بەئەرشیڤکردنی مێژووی کولتوور و هونەر و رۆشنبیری كوردی دامەزراوە.
ئەو ناوەندە كار بۆ ناساندنی كولتوور و هونەری كوردی دەكات، لە رێگەی تەكنۆلۆژیای سەردەمەوە بە جیهان.
هەواڵی پێشوو