لە رێوڕسمێکدا لە هەولێر، ماڵێکی کولتووری تایبەت بە جەلال بەیار، ئەکتەری بواری دراما، شانۆ و سینەما کرایەوە.
رێوڕەسمەکە لەلایەن لقی هەولێری سەندیکای هونەرمەندانی کوردستان، بە ئامادەبوونی ئایدن مەعرووف، وەزیری هەرێم بۆ کاروباری پێکهاتەکان، ئومێد خۆشناو، پارێزگاری هەولێر، فەرهەنگ غەفوور، بەڕێوەبەری گشتیی رۆشنبیری و هونەری هەولێر، هیوا سوعاد، سەرۆکی لقی هەولێری سەندیکای هونەرمەندان سازکرا.
ماڵەکە بەبۆنەی 12ـەمین ساڵیادی کۆچی دوایی جەلال بەیار کرایەوە و پێشانگەیەکی تایبەت بە وێنە و ئەرشیفی کارەکانی هونەرمەندی لە خانووی کولتووریی هونەرمەند لە گەڕەکی تەعجیل لە شاری هەولێر کرایەوە.
پارێزگاری هەولێر، دوای کردنەوە و بەسەرکردنەوەی وێنە و ئەرشیفی کارەکانی هونەرمەند، دەستخۆشی لە سەرپەرشتیار و رێکخەرانی پیشانگاکە کرد.
هەواڵی پێشوو