zagros news agency

رێوڕەسمی رێزلێنان لە شاعیر سەباح رەنجدەر بەڕێوەچوو

لە هۆڵی شەهید مەهدی خۆشناو لە بارەگای لقی هەولێری یەكێتی نووسەرانی كورد، رێوڕەسمێكی رێزلێنانی لەژێرە ناونیشانی “ئەمەك و شانازی” بۆ شاعیر سەباح رەنجدەر بەڕێوەچوو.

رێوڕەسمەکە بە ئامادەبوونی ژمارەیەك لە بەرپرسانی حكوومی و حزبی، نووسەران، هونەرمەندان و رۆژنامەوانان بەڕێوەچوو و لەلایەن بەشی چالاكیی وێژەیی سەر بە بەڕێوەبەرایەتی گشتی رۆشنبیری و هونەری هەولێر، لەژێر چاودێریی پارێزگاری هەولێر سازکرا.

لەو رێوڕەسمەدا، كۆمەڵێك وتار خوێنرانەوە و بیرەوەری باس كران، دواتر بەشێك لە ئامادەبوان چەپكەگوڵی رێز و وەفایان پێشكەش بە شاعیر كرد.

فەرهەنگ غەفوور، بەڕێوەبەری گشتی رۆشنبیری و هونەری هەولێر قەڵغانی رێزلێنانی لەپای تەمەنێك خزمەت و بەخشین بە بواری شیعر و زمان، پێشكەش بە سەباح رەنجدەر كرد و هیوای تەمەنێكی پڕ بەرهەم و داهێنانی بۆ كرد.

هەواڵی پەیوەندیدار

لە هەولێر یادی ٣٨ سالەی ژیانئاوای کامران موکری بەرز راگیرا

دڵشاد

فیلمی “A Matter of Life or Death” نوێنەرایەتی سعودیا لە ئۆسکاردا دەکات

ART

ئەستێرە ناسراوەکەی فیلمەکانی تارانتینۆ کۆچی دواییکرد

ART