لە سەنتەری رۆشنبیری زانكۆی سەڵاحەدین، رێوڕەسمی رێزلێنان لە هونەرمەند تەڵعەت عارف عوزێری لە لایەن كۆلێژی هونەرەجوانەكانی زانكۆی سەڵاحەدین بەڕێوە چوو.
رێوڕەسمەکە بە ئامادەبوونی پارێزگاری هەولێر، سەرۆکی زانكۆی سەڵاحەدین، بەڕێوەبەری گشتی رۆشنبیری و هونەری هەولێر، سەرۆکی لقی هەولێری سەندیکای هونەرمەندانی کوردستان، راگری کۆلێژی هونەر و ژمارەیەك لە مامۆستایان و قوتابییان و هونەرمەندان سازکرا.
چەندین وێنەی یادگاری نمایشكران، پاشان چەند گۆرانی و پارچە موزیك پێشكەش بە ئامادەبوان كرا.
لەكۆتاییدا لەلایەن پارێزگاری هەولێر، سەرۆکی زانکۆ، بەڕێوەبەری گشتی و سەرۆکی سەندیکا و ژمارەیەك كەسایەتیی دیكە، رێزلێنان و چەپكەگوڵ پێشكەش بە هونەرمەند تەڵعەت عارف عوزێری كرا.
هەواڵی پێشوو