سەرۆكایەتی شارەوانی هەولێر لە خستنەڕووی ئاماری كار و پڕۆژەكانی بۆ ساڵی 2024، رایگەیاند لە ساڵی رابردوو 92 هەزار دار و 55 گوڵ لە شاری هەولێر چاندراون، ئێستا رێژەی سەوزایی شارەكە گەیشتۆتە 20،15%.
بەشێك لە كار و پڕۆژەكانی سەرۆكایەتی شارەوانی هەولێر بۆ ساڵی 2024 بەمشێوەی خوارەوە بووە:-
1- (121) پڕۆژە ئەنجامدراوە بە گوژمەی (74) ملیار دینار کە بریتییە لە دروستکردنی شەقامی نوێ بە درێژی (237)کم لەگەڵ زیاتر لە (4 ملیۆن) مەتر سێجا کاری بڕین و پڕکردنەوە و تێکەڵەڕێژی.
2- بەرهەمهێنانی (15000) تەن قیڕ لە کارگەی سەرۆکایەتی شارەوانی هەولێر، بە مەبەستی چاککردنەوەی زیاتر لە (60،000)م2 لە چاڵ و شکستی شەقام.
3- چاندنی (92000) دار لەگەڵ (55000) گوڵ، بەمەش ڕێژەی سەوزایی لەم ساڵدا گەیشتۆتە (20،15٪)
لە شاری هەولێر .
4- چارەسەرکردن و کۆکردنەوەی ( 720،000) تەن خۆڵ و خاشاک بە گوژمەی 18 ملیار و 500 ملیۆن دینار.
5- (9295) سەگی بێلانە کۆکراوەتەوە و چارەسەری پێویست کراوە .
6- (1682) گرێبەستی بەکرێدانی (دوکان، گەراج، مارکێت) .
7- (3500) کارتی زەوی گۆڕدراوە بۆ سەنەد .
8- (515) باڵەخانە ڕێگەپێدانی دروستکردنی پێدراوە .
9- (4574) خانوو ڕێگەپێدانی دروستکردنی پێدراوه .