سەرۆکی شاندی یەکێتیی ئەورووپا بۆ تورکیا ڕایدەگەیەنێت، تورکیا لە ڕووی یاسا و مافی مرۆڤ و دیموکراسیەوە لە یەکێتی ئەوروپا دوور دەکەوێتەوە.
سەرۆکی شاندی یەکێتیی ئەورووپا لە تورکیا، باڵیۆز نیکۆلاس مێیەر لاندروت ڕایگەیاند، یەکێتیی ئەورووپا ساڵانە ڕاپۆرتی پێشکەوتن بۆ تورکیا ئامادە دەکات، بەڵام بەداخەوە ئەوەی ڕوونە ئەمەیە تورکیا لە ڕووی یاسا و مافی مرۆڤ و دیموکراسیەوە بەرەو دواوە دەڕوات و گەڕانەوەی پرۆسەی ئەندامێتیی تورکیاش بۆ بوون بە ئەندامی یەکیەتیی ئەم وڵاتە لە دەستی تورکیادایە.
لاندروت هەروەها ئاماژەی بەمەش کرد حکوومەتی تورکیا دەزانێت لێخۆشبوونی ڤیزا بە هەنگاوە یاساییەکانی تورکیاوە پەیوەستە.
تورکیا یاسای بەرەنگاربوونەوەی تیرۆر بە شێوەیەکی بەرفراوان کەڵک وەردەگرێت کە زۆرێک لە چالاکییە یاساییەکان دەگرێتەوە.
لاندروت هەروەها گوتی، تورکیا پێوەرە سیاسییەکان بەدی ناهێنێت و خراپتر دەبێت.
