وەزارەتی ناوخۆی تورکیا کوشتنی بەرپرسێکی باڵای پەکەکەی لە ئاگری راگەیاند.
عەلی یەرلیکایا، وەزیری نتوخۆی تورکیا لە هەژماری تۆڕی کۆمەڵایەتی ئێکس بڵاوی کردەوە، لە هەڵمەتێکدا “سەیران چۆماک”، فەرماندەی هەرێمی سەرهەد کە نازناوی “بەرواری” بەکارهێناوە، لە ناوچەی بازیدی ئاگریی باکووری کوردستان کوژراوە.
لەم ڕاگەیەندراوەی یەرلیکایا وەزیری نێوخۆی تورکادا هاتووە: سەیران چۆماک بە کوژرانی 29 کەس لە 16 کردەوەی جیاوازدا و برینداربوونی 74تۆمەتبارە. وەزیری نێوخۆی تورکیا هەروەها گوتوویەتی، تا یەک چەکداری پەکەکە مابێت، هەڵمەتەکانیان بەردەوام دەبن.