ئیمانوێل ماکرۆن سەرۆک‌کۆماری فەرەنسا دەڵێت، لە کۆتاییدا دەوڵەتی دڕندەی سووریا کەوت و سەری رێز و نەوازش بۆ گەلی سووریا، بۆ ئازایەتی و خۆڕاگریان دادەنەوێنم. هیوادارم یەکگرتووبن و لە ئاشتی و ئازادیدا بژین.
ماکرۆن گوتی: فەرەنسا پابەندە بە ئاسایشی تەواوی رۆژهەڵاتی نێوەڕاست.
لێدوانی سەرۆک‌کۆماری فەرەنسا لە کاتێکدایە، سەر لەبەیانیی ئەمڕۆ ٨ی کانوونی یەکەم هێزەکانی دژبەری دەستەڵاتی بەشار ئەسەد کۆنتڕۆڵی شاری دیمەشقی پایتەخیتان گرتە دەست.
هاوکات لەگەڵ داگیرکرانی پایتەختی سووریا بە دەست هێزی ئۆپۆزسیون ڕاگەیەندرا بەشار ئەسد بۆ شوێنێکی نادیار ڕایکردووە و ئێستا بێ سەرو شوێنە.
