لە دادگەی ئەوروپا بۆ مافی مرۆڤ، ٦٠ هەزار دۆسیە هەن و لەوانەش ٢١ هەزار دۆسیە بەهۆی پێشێلکردن و بڕیارە نادادپەروەرانەی دادگەکانی تورکیاوەن.
دادگەی ئەوروپا بۆ مافی مرۆڤ ئاماری ساڵی ٢٠٢٤ی ڕاگەیاند. بەپێی زانیارییەکانی دادگەکە، لە ساڵی ٢٠٢٣دا ٦٨ هەزار و ٤٥٠ دۆسیە لە دادگەکەدا هەبوو، بەڵام لە ساڵی ٢٠٢٤ ئەم ژمارەیە کەم بووەتەوە بۆ ٦٠ هەزار و ٣٥٠ دۆسیە.
لە ٦٠ هەزار دۆسیەی دادگەکە، ٢١ هەزار و ٦٠٠ دۆسیە لە تورکیاوەن و تورکیا بەم ڕێژەیە لە پلەی یەکەمە. لە ڕووسیا ٨ هەزار و ١٥٠ دۆسیە هەیە و لە ئوکراینا ٧ هەزار و ٧٠٠ دۆسیە.
دادگەی مافی مرۆڤ پێشتریش بڕیاری ئازادکردنی سەلاحەدین دەمیرتاش و فێگەن یۆکشەکداغی دابوو، بەڵام حکومەتی تورکیا گوێیان نەدا بە بڕیارەکانی ئەم دادگەیە
