ڤۆلۆدیمێر زێلێنسکی، سەرۆکی ئۆکراینا نیگەرانیی خۆی دەربڕی کە بەهۆی پەرەسەندنی ئاڵۆزییەکانی نێوان ئەمریکا و ئێران، واشنتن پشت لە جەنگی ئۆکراینا بکات. زێلێنسکی ئاماژەی بەوە کرد کە وڵاتەکەی ئامادەیە ئەزموونی خۆی لە ڕووبەڕووبوونەوەی هێرشە درۆنییەکاندا بخاتە خزمەت ئەمریکا و هاوپەیمانەکانی، بەڵام داوای کرد کە جەنگی ڕۆژهەڵاتی ناوەڕاست نەبێتە هۆی فەرامۆشکردنی دۆخی ئۆکراینا.