ئاژانسی هەواڵی ڕۆیتەرز لە زاری چوار سەرچاوەی ئاگادارەوە بڵاوی کردەوە شاندەکانی ئەمریکایی و ئێرانی بڕیارە لەم هەفتەیەدا بۆ دەستپێکردنەوەی دانوستانەکانی ئاشتی بەرەو ئیسلام‌ئابادی پاکستانی بەڕێ بکەون.
پێشتریش ئاسۆشێتدپرێس لە زاری دوو بەرپرسی ئەمریکایی و کەسێکی ئاگادارەوە بڵاوی کردبووەوە ڕاوێژەکان بۆ بەڕێوەچوونی خولێکی نوێی دانوستانەکان لە نێوان ئەمریکا و ئێراندا بەردەوامە بۆ ئەوەی پێش کۆتاییهاتنی ئاگربەست لە هەفتەی داهاتوودا، زەمینەی ڕێککەوتنێک بۆ کۆتاییهاتنی شەڕ بڕەخسێت.
