ئەمڕۆ چوارشەممە، 17ی حوزەیرانی 2026، لەگەڵ بەردەوامیی مامەڵەکان لە بازاڕەکانی وزەدا، نرخی نەوت ڕووی لە دابەزینی زیاتر کرد و نرخەکانی پێشووی جێهێشت، ئەمەش لە ژێر کاریگەریی پێشهاتە ئەرێنییە یەک لەدوای یەکەکانی پێوەست بە کەرتی هەناردەکردنەوە.
هەردوو نرخی نەوتی خاوی برێنت و سووکی تەکساسی ئەمریکا دوێنێ بە شێوەیەکی بەرچاو دابەزین، ئەمەش بەهۆی زیادبوونی گەشبینی بازرگانان بە ڕێککەوتنی نێوان ئێران و ئەمریکا، کرانەوەی تەنگەی هورمز و ئامادەکارییەکان بۆ گەڕانەوەی نەوتی ئێران بۆ ناو بازاڕە جیهانییەکان.
لە بەردەوامیی گۆڕانکارییەکانی ئەمڕۆی بازاڕدا، نرخی هەر بەرمیلێک نەوتی خاوی برێنت دابەزینی نوێی بەخۆوە بینی و گەیشتە 77.78 دۆلار، کە بەراورد بە ئامارەکانی پێشوو (82.75 دۆلار) بە بڕی 4.97 دۆلار نزمبووەتەوە.
هاوكات، نرخی هەر بەرمیلێک نەوتی خاوی سووکی تەکساسی ئەمریکیش پاشەکشەی زیاتری کرد و گەیشتە 74.63 دۆلار، کە ئەمەش بەراورد بە کاتی پێشوو (80.46 دۆلار) دابەزینێکی 5.83 دۆلاری نیشان دەدات.
ئەم پەرەسەندنانە بوونە هۆی دڵنیایی بەخشین بە لایەنی دابینکردنی وزە و گەڕانەوەی هاوسەنگی بۆ بازاڕەکان، کە ئەوەش ڕاستەوخۆ کەمبوونەوەی فشاری لەسەر نرخەکان لە کاتی مامەڵەکاندا دروستکرد.