فابریزیۆ ڕۆمانۆی ڕۆژنامەنووسی بەناوبانگی ئیتالی ئاشکرای کرد کە یانەی ڕیاڵ بێتیس لەگەڵ ڕیاڵ مەدرید گەیشتووەتە ڕێککەوتنی کۆتایی بۆ گواستنەوەی فران گارسیای بەرگریکاری باڵی چەپی یانە مەدریدییەکە لەم مێرکاتۆیەدا
بەپێی زانیارییەکانی ڕۆمانۆ بەهای ئەم گرێبەستە چوار ملیۆن یۆرۆیە و یانەی ڕیاڵ مەدرید مافی ئەوەی دەبێت لەسەدا پەنجای فرۆشتنی داهاتووی یاریزانەکە بۆ خۆی ببات
ئەم گواستنەوەیە مۆرکی پڕۆژە نوێیەکەی خۆسێ مۆرینیۆ لە ڕیاڵ مەدرید ئاشکرا دەکات چونکە بەڕێکردنی گارسیا دووپاتی دەکاتەوە کە ڕاهێنەرە پورتوگالییەکە بۆ وەرزی نوێ بە تەواوی پشت بە مارک کوکورێیای هاتووی نوێی یانەی چێڵسی وەک بژاردەی سەرەکی باڵی چەپ دەبەستێت لەگەڵ هێشتنەوەی ئەلڤارۆ کارێراس وەک جێگرەوەی یەکەم تا ئەو کاتەی فێرلاند مێندی بەتەواوی لە پێکانەکەی چاک دەبێتەوە