کۆمپانیای SpaceX مۆڵەتی فەرمی پێدرا بۆ ئەوەی گەشتی تاقیکاریی داهاتووی بە کەشتی ئاسمانی(Starship) ئەنجام بدات ئەمەش دوای ئەوەی گەشتەکەی پێشووی لە مانگی مەی ڕابردوودا بەهۆی تێکچوونی بزوێنەری موشەکی پاڵنەر (Booster Failure) تووشی کێشە ببوو بەمەش فەرمانگەی فیدراڵیی فڕۆکەوانیی ئەمریکا (FAA) دوای پێداچوونەوە و لێکۆڵینەوەی ورد لەسەر هۆکاری کێشە تەکنیکییەکەی پێشوو دڵنیابووەتەوە لەوەی کە کۆمپانیاکە هەموو ڕێکارە پێویستەکانی بۆ چاککردنی سیستمەکە گرتووەتەبەر و هیچ مەترسییەک لەسەر ئاسایشی گشتی نەماوە.
ئەم مۆڵەتە هەنگاوێکی زۆر گرنگە بۆ ئیلۆن ماسک و تیمی SpaceX، چونکە ستارشیپ بە گەورەترین و بەهێزترین موشەکی مێژووی مرۆڤایەتی دادەنرێت و ئامانجی سەرەکیی لێی گواستنەوەی کەلوپەل و مرۆڤە بۆ سەر مانگ و مەریخ. دوای وەرگرتنی ئەم گڵۆپە سەوزە چاوەڕوان دەکرێت لە چەند ڕۆژی داهاتوودا کۆمپانیاکە ئامادەکارییە کۆتاییەکان تەواو بکات بۆ هاوێشتنی پێنجەمین گەشتی تاقیکاریی ئەم کەشتیە زەبەلاحە لە بنکەی (بۆکا چیکان) لە ویلایەتی تەکساس.