ڕێکخراوی نەتەوە یەکگرتووەکان بۆ پەروەردە و زانست و کولتوور ڕاگەیەندراوێکی بڵاوکردەوە، تێیدا تیشکی خستە سەر تۆمارکردنی 25 شوێنی نوێ لە کۆتایی کارەکانی خولی 48ی کۆمیتەی کەلەپووری جیهانی کە لە شارۆچکەی بوسان لە کۆریای باشوور بەڕێوەچوو.
ڕێکخراوەکە ئاشکرای کرد، بڕیارەکان بە ڕەزامەندی گشتی پەسەند کراون. بەمەش هاوکاری لە ڕێککەوتننامەی کەلەپووری جیهانی ساڵی 1972 بەهێزتر بوو.
ئەم خولە بەشێوەیەکی تایبەت گرنگی هەبوو، چونکە بۆ یەکەم جار شوێنەکانی ساو تۆمێ و پرینسیپی و باشووری سودان خرانە ڕێزبەندیەکەوە بۆ دروستکردنی هاوسەنگی.
هەروەها کۆمیتەکە 6 شوێنی خستە ڕێزبەندی ئەو شوێنانەی کە لەژێر مەترسیدان. بەمەش ژمارەی گشتی شوێنە تۆمارکراوەکان گەیشتە 1273 شوێن لە 173 وڵاتی جیاوازدا.