وەزارەتی رۆشنبیری فەرەنسا بڕیاری دا ڕێکاری نوێ جێبەجێ بکات بۆ پاراستنی مۆزەخانەکان کە بریتییە لە لادانی هەندێک پارچەی بەنرخ لە سندوقی نمایشکردن بۆ ڕێگری لەدزینیان.
ئەم هەنگاوە دوای ئەوە هات دادگەی فەرەنسا ڕایگەیاند، ملوانکەیەکی زێڕی ئاڵتوونی کە مێژووەکەی بۆ 2500 ساڵ بەر لە ئێستا دەگەڕێتەوە؛ لە مۆزەخانەی شاتیۆن دزراوە. ملوانکەکە لە 1953 لە گۆڕی شازادەیەکی سێلتی دۆزرابووەوە.
دادگە ڕایگەیاند، تۆمەتی دزیکردن ئاڕاستەی گەنجێک لە تەمەنی بیستەکاندا کراوە و لە گرتوخانەدا دەستبەسەرە.
بەپێی زانیارییەکان، دوو کەسی جلڕەش بە کڵاو و چاویلکەوە چووبوونە ناو مۆزەخانەکە و بە چەکوش سندوقی نمایشەکەیان شکاندبوو لە کەمتر لە خولەکێکدا ملوانکەکەیان دزیبوو.
ئەم ڕووداوە پاش 9 مانگ لە دزینی گەوهەرەکانی تاجی پاشایەتی لە مۆزەخانەی لۆڤەر ڕووی دا.
لە سەرەتای تەممووزیشدا لە مۆزەخانەی لالیک بە بەهای زیاتر لە 4.5 ملیۆن یۆرۆ کەلوپەل دزرابوو.