ئەمڕۆ پێنجشەممە، لە هۆڵی پێشانگای نێودەوڵەتی هەولێر، چوارەمین خولی پێشانگای پەروەردەیی KEF 2026 لەژێر دروشمی «پەروەردەی هاوچەرخ، کارامەیی و کوالێتی» بە فەرمی کرایەوە.
ئەم پێشانگایە، کە چالاکییەکانی بۆ ماوەی دوو ڕۆژ بەردەوام دەبن، ژمارەیەک لە دامەزراوە پەروەردەیییەکان، زانکۆکان، قوتابخانەکان و کۆمپانیاکانی تایبەت بە بواری فێرکردن کۆدەکاتەوە. تێیدا نوێترین بەرنامەکان، تەکنەلۆژیای هاوچەرخی پەروەردەیی و هەلەکانی هاوبەشکاری لەم بوارەدا دەخرێنە ڕوو.
بەپێی وتەی ڕێکخەرانی چالاکییەکە، ئامانجی سەرەکی لە سازدانی ئەم پێشانگایە هاندانی نوێکاری، بەرزکردنەوەی کوالێتی فێرکردن و پتەوکردنی پەیوەندی و هاوکاری نێوان دامەزراوە پەروەردەیییە ناوخۆیی و نێودەوڵەتییەکانە.
