توێژەرانی ئاسایشی سایبەری کەلێنێکی جدییان لە خزمەتگوزاری Private Relay کۆمپانیای ئەپڵدا دۆزیوەتەوە کە دەبێتە هۆی ئاشکرابوونی ناونیشانی ئایپی (IP Address)ی ڕاستەقینەی بەکارهێنەران.
ئەم خزمەتگوزارییە کە بۆ بەشداربووانی +iCloud بەردەستە و کاری سەرەکی پاراستنی تایبەتمەندی و شاردنەوەی شوێنی بەکارهێنەرانە لە کاتی گەڕان لە وێبدا، لە هەندێک بارودۆخدا شکستی هێناوە و ڕێگەی داوە وێبساێتەکان ئایپی ڕاستەقینەی ئامێرەکان ببینن.
ئەپڵ ڕاستەوخۆ درکی بە مەترسی ئەم کەلەبەرە ئاسایشییە کردووە و کار لەسەر چاککردنەوەی دەکات، بەڵام تا بڵاوکردنەوەی نوێکاریی نوێ، شارەزایان بەکارهێنەران ئاگاداردەکەنەوە تا زیاتر وشیار بن.