زەینەدین زیدانی ئەستێرەی پێشووی هەڵبژاردەی فەرەنسا، بە فەرمی گرێبەستێکی چوار ساڵەی بۆ راهێنەرایەتیکردنی کەڵەشێرەکان واژۆ کرد و تا دوای مۆندیالی 2030 لەو پۆستەدا دەبێت.
پێگەی فەرمی فووت مێرکاتۆ ئاشکرایکردووە، پێش ئەوەی ئەم ئەرکە نیشتمانییە وەرگرێت، ئۆفەرێکی گەورە و سەرنجڕاکێشی لەلایەن هەڵبژاردەی بەلجیکاوە پێشکەش کرابوو تا پۆستی راهێنەرایەتی یانەکە بگرێتە ئەستۆ. بەڵام زیدان دەستبەجێ داواکارییەکەی بەلجیکای رەتکردەوە، چونکە تەنها یەک ئامانجی سەرەکی لە مێشکدا هەبوو، ئەویش تەرخانکردنی هەموو کات و تواناکانی بۆ خزمەتکردنی هەڵبژاردەی وڵاتەکەی خۆی.
ئەم بڕیارەی زیدان لە کاتێکدایە کە لە دوای وازهێنانی لە پۆستی راهێنەرایەتی یانەی ریاڵ مەدرید، هەمیشە جێگەی سەرنجی یانە گەورەکانی ئەوروپا بووە و چەندین ئۆفەری خەیاڵی پێشکەش کراوە، کە سەرجەمیانی ڕەتکردبووەوە تاوەکو خەونەکەی بەدی دێت.