حکومەتی نەرویج ڕایگەیاند کە لە ئاستی کۆتاییهێناندایە بە ڕەشنووسی یاسایەک بۆ قەدەغەکردنی تۆڕە کۆمەڵایەتییەکان بۆ منداڵانی ژێر 16 ساڵ، کە تا کۆتایی ئەمساڵ بۆ پەسەندکردن دەخرێتە بەردەم پارڵەمانی وڵاتەکە.
حکومەتی نەرویج لە ڕاگەیەندراوێکدا ئاشکرای کرد کە یاسا پێشنیارکراوەکە جگه لە پلاتفۆرمە ئاساییەکانی تۆڕە کۆمەڵایەتییەکان، نەرویج قەدەغەکردنی تۆڕە کۆمەڵایەتییەکان بۆ تەمەنی ژێر ١٦ ساڵ بۆ یارییەکان و پەیام گەیاندنەکان فراوان دەکات.
بەپێی ئەم پلانە، پلاتفۆرمەکانی وەک تیک تۆک، سناپچات، و روبڵۆکس (Roblox) یاریی ئۆنلاینی بەناوبانگ بە ئەگەری زۆرەوە دەکەونە ژێر ڕکێفی ئەم یاسایەوە.
وەزیری منداڵان و خێزانی نەرویج، لێنە واگسلید، ڕایگەیاند: «پێویستە سەلامەتیی منداڵان لە پلەی یەکەمدا بێت».
سەرەتا چاوەڕوان دەکرا یاریی ئۆنلاین و خزمەتگوزارییەکانی نامەناردنی بەخۆڕایی بەخشینی بەرفراوانیان بۆ بکرێت، بەڵام حکومەت ڕێگەی جێگرەوەی هەڵبژاردووە بۆ هەڵسەنگاندنی پلاتفۆرمەکان لەسەر بنەمای مەترسییە شاراوەکان. بەمەش ئەو خزمەتگوزارییانەی بێمەترسین، وەک ئاپەکانی تایبەت بە پەیوەندییەکانی قوتابخانە، بە کراوەیی دەمێننەوە.
ئامانج لەم یاسایە پاراستنی منداڵانە لە ناورۆکی زیانبەخش، تایبەتمەندییە ئالوودەکەرەکان، ڕیکلامی نایاسایی و پەیوەندیی نەخوازراوی کەسانی نەناسراو.
کۆمپانیا تەکنەلۆژییەکان بەرپرس دەبن لە ڕاستکردنەوە و پشکنینی تەمەنی بەکارهێنەران لە ڕێگەی سیستەمێکەوە کە گونجاو بێت لەگەڵ یاساکانی پاراستنی زانیاریی ئەوروپا.
نەرویج پەیوەندی دەکات بە کۆمەڵێک لە وڵاتانی ئەورووپی کێبڕکێکار لەم بوارەدا؛ دانیمارک ڕێکاری هاوشێوەی پەسەند کردووە، ئیسپانیا کار بۆ قەدەغەکردنی بۆ ژێر ١٦ ساڵ دەکات، و لە سەرانسەری یەکێتیی ئەورووپاشدا پێشنیاری یاسای «EU Kids Act» کراوە بۆ سنووردارکردنی تەمەن.