گوتەبێژی حكوومەتی هەرێمی كوردستان زانیاریی لەبارەی مووچەی هێزە ئەمنییەكان و مووچەی مانگی پێنجی فەرمانبەران دەخاتە ڕوو و دەڵێت: “بەڵێنی ناردنی مووچەی فەرمانبەران و هێزە ئەمنییەكان دراوە.”
پێشەوا هەورامانی، گوتەبێژی حكوومەتی هەرێمی كوردستان، رایگەیاند: “دوای سەردانی بەغدا ئەوەی دەرەنجامی رێككەوتنەكان بووە لەگەڵ مەسرور بارزانی سەرۆك وەزیرانی هەرێمی كوردستان، بەڵێنیان داوە پێش جەژنی قوربان مووچەی مانگی پێنجی هەموو فەرمانبەران بنێرن و هەروەها مووچەی هێزە ئەمنییەكانیش بنێرن.”
لەبارەی دواكەوتنی مووچەی مانگی چواری پێشمەرگە و هێزە ئەمنییەكان پێشەوا هەرامانی گوتی: “دواکەوتنی ناردنی مووچەی مانگی چواری هێزە ئەمنییەکان لەلایەن بەغداوە، ستەمە و هیچ ڕەوایەتییەکی نییە، چونكە ئەو هێزانە لە شەری داعش و لە سەرماو لە گەرما لە ئەركن و لە زۆر حاڵەت بەشێك بوونە لە پاراستنی ئاسایشی عێراق، بۆبە ناكرێت دوای 59 رۆژ ئەوان مووچەیان وەرنەگرت بێت.”
گوتەبێژی حكوومەت ئەوەشی خستە ڕوو: “هەموو لایەنەکانی بەغدا لە کۆبوونەوەکانیان لەگەڵ سەرۆکوەزیران مەسرور بارزانی لە هەفتەی ڕابردوو، کۆکبوون لەسەر ئەوەی کە نابێت مافی خەڵکی هەرێمی کوردستان پێشێڵ بکرێت و مووچە تێکەڵ بە کێشە سیاسییەکان بکرێت.”
شوان بەرزنجی