ئەمڕۆ یادی خەمناکترین ڕۆژدەکەینەوە لە مێژووی نەتەوەکەماندا کە تێیدا ڕابەری بزاڤی ڕزگاری خوازی نەتەوەییمان و هێزی سەرەکی بەرەنگاری و پارێزگاری لە نیشتیمان و هەبوونمان لەدەستدا، “مستەفا بارزانی” نەمر وەک چۆن لە ژیانیدا ڕابەرایەتی نەتەوەکەی کرد و لە پێناو پاراستنی نیشتیمان و گەلەکەی هەموو تەمەنی تێکۆشا، لە دوای کۆچی دوایشی ڕێبازێکی دەوڵەمەندی کوردایەتی و کلتورێکی بەرزی مرۆڤدۆستی و ئیرادەیەکی بەهێزی بەردەوامی و هێزی کارکردنی لەپێناو ئازادی و ژیانێکی شکۆمەندانە بۆ جێهێشتین، کە بەردەوامبوون لەسەر ئەو ڕێبازە پیرۆزە گرەنتی گەیشتنمانە بەمافە ڕەواکانمان.
ئێمەی لاوان بەئیلهام وەرگرتن لە حیکمەت و لێزانی و گەورەیی ڕابەری نەتەوییمان بەردەوامی بە هەناگاوەکانمان دەدەین لەپێناو بنیاتنانی ئەو ئایندەیەی کە “مستەفا بارزانی” لە پێناویدا بێوچان خەباتیکرد و تێکۆشا.
#بارزانی باوک بنەمای بەرەنگاری و سەربەخۆیی لە بیری تاک بەتاکی کوردستانیاندا چەسپاند، جگە لە شۆڕش و دەسکەوتەکان، ڕێبازێکی بۆ نەوەکانی داهاتوو جێهێشت کە بووە ڕێنیشاندەری لاوان بۆ هەنگاونان بەرەو ئایندە و سەرکەوتن.
لەو ڕوانگەیەوە ئێمەی لاوان بڕوای پتەومان هەیە کە ئەو کاروانەی نەمر “مستەفا بارزانی” دەستیپێکرد تاگەیشتن بەئازادی یەکجاری و سەربەخۆیی ناوەستێت و وەک چۆن لە قۆناغەکانی خەباتدا بەشانازیەوە پێشمەرگەی بارزانی بوین لەئێستاشدا بەگوڕوتینی لاوانەمان درێژە پێدەری ڕێبازە پیرۆزەکەی دەبین و هەمیشە شورە دەبین بۆپاراستنی خاک و گەل و نیشتیمانمان.
درود بۆ ڕوحی پاکی باوکی ڕوحی و نەتەوەییمان”مستەفا بارزانی” دەنێرین.
ڕێ و ڕێبازی هەمیشە پڕ ڕێبواربێ
١ی٣ی٢٠٢٤
مەکتەبی سکرتاریەتی (ی.ل.د.ک)