سەرۆکی سووریا هۆشداری دەداتە ئێران و حزبوڵڵا، نایەوێت وڵاتەکەی لەگەڵ ئیسرائیل بکەوێتە جەنگەوە.
دەستەی پەخشی ئیسرائیلی بڵاویکردەوە، بەشار ئەسەد سەرۆکی سووریا نامەیەکی بۆ ئێران و حزبوڵڵای لوبنانی ناردووە و پێیانی گوتووە، نایەوێت لەگەڵ ئیسرائیل بکەوێتە جەنگەوە.
ئەسەد گوتوویەتی، رووسیا هیچ ڕۆڵێکی لە ڕووداوەکانی نێو لوبنان نییە، بەڵام لە هەوڵدایە لەگەڵ سووریا ڕێگە لە بەقاچاخبردنی چەک بۆ حزبوڵڵا بگرێت. مۆسکۆ فشار لە بەشار ئەسەد دەکات، تاوەکو رێگریبکات لەوەی چەکی ئێرانی لەڕێگەی سووریاوە نەگەنە دەست حزبوڵڵای لوبنان.
