لە یارییەکانی گەڕانەوەی قۆناغی 16ی چامپیۆنزلیگ، یانەی بەرشلۆنە میوانداری ناپۆلی کرد.
لە ئەنجامدا یانەی بارسا توانی لەم یارییەدا بە سێ گۆڵ بەرامبەر بە گۆڵێک شکست بە ناپۆلی بهێنێت و خۆی گەیاندە قۆناغی داهاتوو.
هەر لە تایمی یەکەم بەرشەلۆنە بە بەهێزی دەستپێکرد و توانیان دوو گۆڵی خێرایی لەسەر یەک و لە خولەکەکانی 15 و 17 لەڕێگەی یاریزانان فێرمین لۆپێز و کانسیلۆوە تۆمارکرد،
دوای ئەوە یانەی ناپۆلی هەوڵەکانیان چڕکردەوە و کۆنترۆڵی یارییەکەیان کرد، تاکو توانیان لە خولەکی 30دا لەلایەن ئەمیر ڕەحمانی ئەنجامەکە بۆ گۆڵێک کەمبکەنەوە و ئەو تایمەش بەو شێوەیە مایەوە.
دوای ئەو گۆڵە هەردوو یانە چەندین هەوڵیاندا بۆ تۆمارکردنی گۆڵی زیاتر، ئەوەبوو لیڤاندۆڤسکی لە خولەکی 84دا گۆڵی سێیەم و دڵنیایی بۆ بارسا تۆمارکرد.
بە ئەنجامی هەردوو یاری چۆن و هاتن یانەی بەرشەلۆنە گەیشتە قۆناغی چارەکی کۆتایی و ناپۆلیش ماڵئاوایکرد.