چەکدارانی ئێران لە سنووری حاجی ئۆمەران -تەمەرچیان لە نزیک شاری پیرانشار دوای کوشتنی کۆڵبەرێک تەرمەکەیان لە ژێر بەفردا شاردووەتەوە.
تەرمی ئەم کۆڵبەرەی لە هەورازی “پەتک” لە دیوی رۆژهەڵاتی کوردستان بە دەست هێزی چەکداری ئێران کورژاوە و دوای ٤٨ کاتژمێر به هەوڵی هاووڵاتیانی ناوچەکە دۆزراوەتەوە.
ڕێکخراوی مافی مرۆڤی هەنگاو و ماڵپەڕی کۆڵبەرنیوز بڵاویان کردووتەوە، ئەم کۆڵبەرە کوژراوە ناوی”محەمەد گەنجە” و دانیشتووی شاری پیرانشار بووە.
گۆڵبەرنیوز بڵاوی‌کردووتەوە، لە ماوەی ساڵی ٢٠٢٣دا ٢٩٩ کۆڵبەر لە سنوورەکانی نێوان پارێزگاکانی ورمێ، سنە و کرماشان کوژراون و بریندار کراون.
ڕێکخراوی هەنگاویش ئاماژەی بەمە کردووە، لە ماوەی ڕۆژانی ڕابردوودا لە ناوچە سنوورییەکانی نەوسود، مەریوان و بانە بە لانیکەمەوە ٨ کۆڵبەر و کاسبکار کوژراون و بریندار کراون.